ياصاحبة الجمال
بقلم الشاعر
ايمن البلاط
ياصاحبة الجمال
عينيك ليه مكسوره
الحزن ساكن فيهم
وباين كمان ف الصوره
الكحل غطى الجفون
والدمعه فى العين محسوره
راحت فين الضحكه الحلوه
كانت ع الشفايف
احلى غنوه
كنت بسمع منها الأه
تزلزل قلبى من جواه
ايه بدل الحال لحال
الحياه مفيهاش محال
اسعد افرح
العب امرح
دا بكره تبقى عال العال
امسحى الدمعه من عيونك
وتعالى نغنى كام موال
اوعى تقولى ف يوم نسيتك
ولا غبتى لحظه عن البال
دانتى ف القلب جوه ساكنه
وخروجك منه شئ محال
غنى ارقصى
اتنطتى هيصى
ياصاحبة الجمال
بقلم الشاعر
ايمن البلاط
ساحة النقاش