فى المحطه
ناس من تعبها......... نايمه
وناس لعملها........... قايمه
ناس شايله.......... همومها
وناس مش........... هاممها
ناس ...................بتمشى
وناس................. بتجرى
ناس بتبكى........... وتشكى
وناس بتقهقه......... وتحكى
وناس رغم اللى فيها.. ساكته
وناس لاتفه أمورها ....ذايعه
وناس.................. شاريه
وغيرها.................. بايعه
ناس واقفه ...........بإشتياق
وناس قاتلها.......... الفراق
اللى واقف فى...... المحطه
واللى................. ماشي
اللى..................... راح
واللى.................. راجع
فى المحطه كله .......عادى
على الكرسي.......... قاعد
على الأرض ........ماشى
ناس .................تهيص
وناس............. بتهمس
ناس شبعها .......بترمس
وناس بالكانز....... تحبس
فى المحطه
ناس مشاعرها...... قاسيه
مش فارق معاها... الوداع
وناس بتنزل...... دموعها
حاسه جواها .......بضياع
فى المحطه كثير ...حالات
بعد ساعه....... أولحظات
كله بيكون.............. ذكريات
اسامه وادى