يوميات شعبية لبنت مصرية
حلقة السباك
===========
حبيبى اسمر بلبانة مولود فى درب اللبانة
سباك وصحى فى الحارة ومواسيره راشقة وجبارة
عيونه سودا وفتاكة تخش قلبى بسلاكة
ولما يصلح بلاعة يشك روحى بولاعة
ودكتور فى دش وحنفيات تفتح لى فتحة ساعات وساعات
ويخش غزوة فى مجارى ويفتح فى قلبى حساب جارى
وكيعان يفك بحنية يسير فى دمى بحنفية
ومفكه عادة او قلاووظ يغرف لى حب وود بكوز
ولو يصلح فى السخان يشعل ضلوعى حنان بجنان
ومواسير بلنية اتنين بوصة تدينى فرحة وابقى عروسة
ده حوض حياتى فى البستان وكموبنيشن حب كمان
خلانى محبس للتوهان وماسورة مسدودة بأحلام
بسببه بأسهر طول الليل واسمع اهاتى وطفح الكيل
ياابو السباكة المصرية ياابو وردة بيضا وحنفية
امتى تسلك لياليا وترش حب وحنية.

مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون