قصيدة الانسانية
=========
الانسانية من الانسان وصفة ورحمة من الرحمن
تزيد تقل فى اى مكان لكن اصولها فى الانسان
ولما تزيد ده طبيعى كمان ولو تقل يصبح حيوان
صراع وقتل فى كل مكان ويبقى الضعيف ده مالوهش مكان
ويبقى الامل فى دعاء غلبان يبكى يصلى للرحمن
ويطلب حمايته فى اى مكان
وشيطان يوسوس للانسان يخليه فى غابة للحيوان
لكن الامل ده مالوش عنوان ولا لون وجنس او نوع فى ايمان
الانسانية هى العنوان لاى كائن اى ان كان
وياما شفت ده كتير من ناس من كل ملة ومن اجناس
توهب حياتها لخدمة ناس تيجى من اوروبا او اى مكان
تداوى مرضى وفقرا كمان ويكون فرحها فى دواء مرضان
او رسم فرحة لفقير غلبان
وناس بتتبنى اطفال وتربى فيهم الاوصال
يعنى تكافل ومودة بالحب وبالمادة
لو كان فى يعنى مليونير لازم يساعد برضه الغير
ولما يزكى بأمواله ربك يبارك فى عياله
ومش ضرورى بالاموال ممكن دى كلمة تهد جبال
يعنى يكون انسان وفقير لكن فى قلبه حب كبير
يساعد ده اهله وجيرانه ويسعد بكلمة اطفاله
مشاعر رقيقة وعاطفية وهى اصل الانسانية
لا لون بيفرق ولا جنس ودين لكن ضرورى للعايشين
ومش بس قاصر على الانسان دى الرحمة واجبة على الحيوان
ده العمر وقفة كده على رصيف واخرتها حفرة لقوى وضعيف
ولا جاه بينفع ولا اموال الاصل هو فى الافعال
والذكرى خالدة فى اى زمان لكائن ده كان اسمه انسان.
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون