جارى التحميل
استخدم زر ESC أو رجوع للعودة
( ذكرى ) بقلم:علاء زايد
*****
لما إنتى ناويه تكونى ذكرى
كنت إكرهينى ماتحبنيش
ليه خلتينى أحب بكــــره
وبكيانى ليكى أعيـــش
ليه تروحى قبل ماوصـــل
كنتى إستنى ماتهربيش
ليه تخلى العذاب مصيرى
ليه فى حكمك ماتعدليش
ليه دموعى تهون عليكى
وإنتى عليه مابتهونيــش
كنتى ليه إنتى العروسه
وكنت أنا ليكى العريس
كنتى كل الدنيــــــا ليه
والدنيا جنبك ماتساويش
كنتى أيامى الهنيـــــــه
وفى حنانك مانلاقيش
مش مصدق إنى تانى
وطول حياتى ماحشوفكيش
عايز أشوفك دايما فى ليلى
وعن عينيه ماتغبيــــــش
خلينى أحس دايما بقربك
وعنى روحك ماتبعديش
الوداع يأغلى ذكـــــــرى
ح تعيش فى قلبى ولاتتنسيش.
ساحة النقاش