آسف
///////
عمري ما هنسي مهما حولت
اعمل راجل اعمل بنت
اعمل نفسك واحد قرد
اخبط راسك ف الاسمنت
اضرب نفسك إمشي بدهرك
لف الدنيا لحد الهند
احفر قبرك مزق صدرك
اثبت انك زي حزنت
عمري ما هرجع مهم ا حولت
عمري ما هنسي مهما كبرت
لكن لازم تفهم إني فهمت
أنا مش ماشي معاك بالعند
أنا من الاخر اتعلمت
أيوه بجد أنا اتعلمت
جرحك دمر فيا حجات
حتي القلب النابض مات
جاي دلوقتي تقول سلامات
زمني وزمنك عدي وفات
ياما سهرت وياما حزنت
وياما كتمت الهم ساعات
وياما حولت كتير وقدرت
أوعي تصدق إني نسيت
وإني سكوتي يعني قبلت
لا والله عمره ما كان
اللي اتعذب واللي إتهان
واللي اتبهدل زي زمان
أيوه بجد انا اتبهدلت
لكن عمري ما كنت جبان
انا لو خايف كنت هربت
كنت تركت الناس وسافرت
لكن وسط الصعب وقفت
شفت كتير أنا واستحملت
مره فى عمرك جيت وسألت
عايز أعرف إيه الذنب
لو كان عندك مخ وقلب
قولي يا خاين فين الحب
شفت معاك أيام الغلب
حتي شعور القلب قتلت
نفسي تقول إن انت فشلت
نفسي تقول إن انت خسرت
جاي دلوقتي تقول نتصافي
جاي بتجدد تاني القرب
أااااااااااااسف ..........
أنا مش اقدر مهما حولت
//////////
بقلم / طه إبراهيم