لو كنت صادق ف المشاعر
لو كنت حتى من الغجر
إرفع إيديك فوق ف السما
علشان ذنوبك تغتفر
عايزك تفوق بلا دروشه
لسه الأمانى مدندشه
احلام خلاص إتكسرت
صبحت حطام متدشدشه
سكة سلامه تعدى بيك
من بين حدود كل البشر
تعدى بيك وديان قفور
وتروح بعيد تمنع خطر
الحب أصبح مستحيل
دنيا تحط دنيا تشيل
بس اللى عارف سكته
إسمه القدر داس عالوتر
هوه اللى دارى بمحنته
داس عالجراح بيننا خلاص
ماعاد سماح عاميين بصر
عايمين ف بحر مالوش
شطوط صمت وسكوت
يمكن نموت وما ننتصر
ننسج خيوط ونعللى صوت
قبل الحقيقة ماتنطمر
النصر موش فرقه ووقيعه
ونفوس وضيعه ماتعتبر
رايحين ف سكه ملعبكه
كله إشتكى كله إتسعر
وعشان ولاد بلاش عناد
قدر كمان حجم الجنان
إفهم معانى الموت عبر
خبط على كل البيبان
عدى على ولاد الجيران
إنهض قوام فوق وإعتذر
ماتمد إيدك أمد إيدى
علشان نعيد اللى إتهبر