قصيدة حنين وغربة
============
الغربة قاسية وغدارة وتمنها مدفوع بمرارة
يمكن تكون غربة احباب او حتى اهل او حتى بلاد
العمر وقته اصله قصير والصحة بتروح بالتفكير
ايه يعنى برضه كتر فلوس ده بدون احبة وشعور ملموس
دى القرب بجانب الوالدين او زوجة صالحة وعيلين
تساوى دنيا بالملايين وفرحة وسعادة تملا العين
والغربة برضه عن الاوطان بتزيد تعاسة مع الايام
بحنين بحرقة للذكريات وحلم عودة بأمنيات
ده انا لما بأرجع لبلادى بأبوس ترابها وانادى
ياأمى وأهلى واحفادى ورمز عزى واجدادى
حنينى اليكى سر سهادى والفرقة صعبة يابلادى
ومين يراعى اولادى فى الغربة وانا وحدى بأنادى
اجمع فلوس كده بالعملات وادفع فى غربة حنين واهات
والصحة تتدهور على طول والعمر يسرقنى بجنون
لو اكلها دقة فى بلادى تحلى ببركة مع اولادى
نظرية يعنى وشخصية وغيرى يشوفها جنونية
لكن الحنين والوطنية هما حياتى وضى عنيا
والغربة قاسية وغدارة وتمنها مدفوع بمرارة.

مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون