خذ راحتك

******

خذ راحتك قوي ف التفكير
علي مهلك يا ابو قلب كبير
لو حتي هتفضل طول عمرك
أنا هفضل مستني كتير
لو حتي الدنيا هتتغير
انا عمري ما هقبل تأثير
صدقني لو قلت باحبك
و عيونك مفتاح تغيير
انا هفضل مستني وعودك
علي كيفك أأمر يا أمير
خذ راحتك قوي ف التفكير
علي مهلك يا ابو قلب كبير
متخفشي يا سيدي علي كلامك
دا انا قلبي لمشعرك بير
قول كل اللي في قلبك قول
دا كلامك تأثيره خطير
بيغير ... فيا ... ويسعدني
وبيفرش ع الارض حرير
وبشوف الورد في بستانك
من حسنك دايما بيغير
وبشوف ..... الورد بيتمايل
علي إيدك زي العصافير
وبشوف الدنيا وحلاوتها
وبشوفك بجناح بطير
وبشوف العالم في عنيك
وجواري بترقص حوليك
تتمني كلامك وسلامك
تستني أومرك وجنابك
تستني إشارتك يا أمير
خذ راحتك قوي في التفكير
علي مهلك يا ابو قلب كبير
*****
بقلم / طه إبراهيم