مجلة لألئ القلوب الأكترونيه

الحلو
بقلم شاعر الغلابه
ايمن البلاط

الحلو ليه تقلان عليا
ماحنا بردو مش شويه

سوق فى دلالك كمان وكمان
يلى جمالك زغلل عينيه

الشوق اليك بيشدنى
يلى فى غرامك دوبتنى
ولاهى كانت ملاغيه

الحب معاك اتعلمه
عذاب وويل ياما شوفته
حرمنى ليه م الحنيه

بلاش تقل بقى ودلال
يابو قوام زى الغزلان
وعيون كحيله وعسليه

هقولك كلمتين لله
وبعدها متقولش الأه
عيونك جامد وقويه

المعامله بينا اتغيرت
وكل الأمور ادهورت
بناقصها بقى السيره ديه

الحلو ليه تقلان عليا
ماحنا بردو مش شويه

سوق فى دلالك كمان وكمان
يلى جمالك زغلل عينيه

من النهارده مش هسأل فيك
ولاعمرى هعمل شئ يرضيك
الأيام رايحه وجايه

اوعى تكون نسيت اللى فات
وتقول اهو عدا ومات
دانا ذاكرتى فولازيه

فاكر يوم ماجيت تدادينى
وتقولى قلبك ليه نسينى
وحلفتنى بالغالى عليه

خدتك فى حضنى احتويتك
قلبى بقى سكنك وبيتك
وبقيتى من عيون الناس محميه

الحلو ليه تقلان عليا
ماحنا بردو مش شويه

سوق فى دلالك كمان وكمان
يلى جمالك زغلل عينيه

بقلم شاعر الغلابه
ايمن البلاط

 

WWWlaleelklob

الشاعر ايمن البلاط

  • Currently 0/5 Stars.
  • 1 2 3 4 5
0 تصويتات / 33 مشاهدة
نشرت فى 26 سبتمبر 2020 بواسطة WWWlaleelklob

ساحة النقاش

عدد زيارات الموقع

16,276

تسجيل الدخول

لآلىء القلوب

WWWlaleelklob
مجلة لألئ القلوب الألكترونيه مجلة ادبيه ثقافيه »