مجلة لألئ القلوب الأكترونيه

تعبت خلاص
بقلم
شاعر الغلابه
ايمن البلاط
تعبت خلاص
وجه اخرى
والقلب معدتش
يتحمل

عشت كتير
وشوفت كتير
يوم افرح
والف اتألم

خت نصيبى
منك يادنيا
ميت كرباج
فى الجسم يعلم

والصرخه
وراها صرخه
بصوت مكتوم
مش قادر اتكلم

تعبت خلاص
وجه اخرى
والقلب معدتش
يتحمل

شال هم كتير
وشاف ذل كتير
قرب خلاص
يستسلم

العمر فات
ولا وراح
والقلب مليان
بالجراح

وانا واقف
انظر لحياتى
بقلبى وعينى
اتأمل

دا المكتوب
على الجبين
سطر واحد
مش اتنين

مش مكتوب
ياقلبى ليك
تفرح وتسعد
حتى يومين

وايه يفيد
فيها الكلام
دنيا غروره
ملهاش امان
تعالى شوف واتأمل

ناس بملابس تتزين
وناس بكلام تتجمل
والكل فيها بيتحنجل

تعبت خلاص
وجه اخرى
والقلب معدتش
يتحمل

شاعر الغلابه
ايمن البلاط

WWWlaleelklob

الشاعر ايمن البلاط

  • Currently 0/5 Stars.
  • 1 2 3 4 5
0 تصويتات / 24 مشاهدة
نشرت فى 8 سبتمبر 2020 بواسطة WWWlaleelklob

ساحة النقاش

عدد زيارات الموقع

15,897

تسجيل الدخول

لآلىء القلوب

WWWlaleelklob
مجلة لألئ القلوب الألكترونيه مجلة ادبيه ثقافيه »