جارى التحميل
استخدم زر ESC أو رجوع للعودة
وشوشة حلم......
وشوشني حلمي
شوية وشاوش
رفرفت بجناحي
وانا ك الطير المناوش
عايش لحلمي
ولا انا مش عايش
طرت ف السما طيران
لا همني صياد يصيدني
ولا خفت م الغربان
بس يا خسارة عليك
يا بن ادم يا غلبان
اخواتك صادوك
ونسيوا بجهلهم
انك انسان
وش وش وشاوش
ماتسمعنيش
خليني ساكت
ولغوش علي حلمي
بقا لغاويش
انا لسه عايش
ولا خلاص
جواية معافر بس
عشان اعيش
معايه معاييش
مايهمنيش
حلمي اتفركش
ف الهوا فراكيش
بطل يا حلم بقا
توشوش وشاويش
سمعي تقل
ميت انا
وحلمي اصبح حبة
فكة بقاشيش
بقلم
اشرف ايوب
