شي يوم
لمّا منمرُق عا نفس المطارِح كلّ واحَد لوحدُه
لما الوقت بيفرِّق بيناتنا و ما منِلتقى عنده
لمّا بشمّ ريحة القهوة بتذكرِك
لما تقعدي مع صاحباتك بتخيلِك
لمّا و لمّا شو بعد فيي قول
بتذكَّر بكلّ مرّة انّي مش إلِك
...
يا ما كذَبت عا حالي تا صرت كذّاب
وياما تهيألي إنك عمتدقّي الباب
ياما النّاس سألوني ليش تا زعلان
ليش عيونَك ناشفِة صار لك من زمان
وليش عاوجهك مبيَّن وَجَع الغياب
و كلّ مرّة ما بلاقي ل إلهم جواب
...
و بعدني بمرق عا نفس المطارح
و بعدني أمرار ما بعرف لوين رايح
و بعدني بحبّك و ما عمبقدر قول
و بعدني بخلط المعقول باللامعقول
...
لكن إنتي كنتي و بتضلّي حبيبتي
وإنتي بنصف البحر وحدك سفينتي
عمبغرق بلاكي و عيش بالاوهام
و إلا ما لاقيكي شي يوم من الأيام
...
عدنان خليفة
2016