(مجلة كل الخواطر) شهادة //---------------- بقلم الشاعر /محمد سالم

بعنوان // شهادة // بقلمى شاعر السلام /محمد سالم (مصر)
********************************************************
تشهد علينا ايامنا اللى فاتت
تشهد علينا سعادتنا اللى ماتت
ما ينفع فى يوم ندم
والاحزان اللى زادت
جروح فى روح مشتاقة
وأحزان الماضى عادت
//////////////////////////
تعلمنا السنين البكا
وقلوبنا عايشة انكسار
نندم على أحلامنا
كل ليل ونهار
تصعب علينا الذكريات
والدموع بقت أنهار
راحت ايامنا اللى عشناها
ودبلت كل الازهار
شهادة جرح من المجروحين
واتعلمنا من مر السنين
ونار بتخلق ألم
وحزن بيخلق وجع
ومع كل يوم يمر
يزيد وجعنا
ووجع اللى فى أحضانه جمعنا
تشهد علينا العين لما دمعنا
تشهد علينا القلوب لما اتفرقنا
ونعيش حياتنا وتزيد أهاتنا
ولابد فى يوم نعيش مطمنين
اسكت يا زمان كفاية أوهام
عايشين فى هم وموجوعين
نبكى وضحك الاسياد عالى
عايشين هما فى نعيم
واحنا بنتوجع الليالى
راح الحبيب الغالى
وراح الحب عن بالى
وراحت شهادة المجروحين
** بقلم /محمد سالم