(مجلة كل الخواطر) لما نكرت الذات---------بقلم الشاعر \عبد الله السايح

......(لمانكرت الذات)........
قدرتي تقولي أكرهك
قدرتي إزاي تقوليها
مهما الغرام يوم مرجحك
مهما الحياة نطقت بيها
ياقلبي مين هيروحك
والموج على مركبك طاويها
فردت ضفايرها وكانت تمدحك
وقالت لي انت اللي ترويها
بشفايف كانت تطوحك
أنا اللي من لمسة أضيع فيها
بالغرام يوم تدبحك
أنا اللي من دمي رويت أراضيها
الموج علا لمس الشراع
بحار في وسط البحر باع
غرام خداع ومالوش متاع
قلبي إتحرق ليه إتحرق
مركب غرامنا من ورق
من أول الموجه غرق
لمي ضفايرك 
ياكدبة مرسومة بعمايلك
بحرك ماكنش له شطوط
قبل مركب مركبك 
ماعرفت أفوت
والموت ياعمري كان سبق
ياشفة مرسومة بآهات
لما حلمت بضلها 
الوقت فات
ساد السكات
ماهوقلب ميت من زمان
والتاني مات
بس اللي واجع بالقوي
إني قوي
ومسكت حبل الكره
لما اترمي على قلبي بثبات
علشان نكرت ذاتي 
وخفيت آهاتي
ورفضدت بالحب أهدم حياة
وإخترت موتي
وإخترت بحر الزكريات
.........(شعر)..........
عبد الله السايح