جارى التحميل
استخدم زر ESC أو رجوع للعودة
.........(الكل ميت)....ّ..
يامجمعين جثث الشباب
إكتبوا على كل باب
إسم الشهيد وله كتاب
وإقرأوا اللي دار بينهم حوار
كان كل واحد له مسار
أحلام والسفر كان شعار
بصوا في عينيهم
وانشروا كل الحكاية
بصوا تلاقوهم
من التعب من غير ملاية
فقرهم كان السبب
وحده غلب وكتب روايه
وإسمعوا من كل صوت
تلقوا فيهم الجعان
مش لاقي قوت
تلقوا عريان
لبسه من كل البيوت
ألف قصة وألف دانة
بإستهانة
ماتت الأفراح حدانه
والجثث فوق الشطوط
ألف خيبة شايلة ريبة
من زريبة للقصور
اللي منهم الضغوط
ميت حكاية ع الهدايا
والرشاوي
اللي ممكن منهم
كل أحلام الشباب لحظة تفوت
وإنقسمنا دنيا عامية
ناس لفوق غمضت
عن ناس وعايشة في شقوق
وإنقسمنا حتى ديننا
شدوا من تحته الخطوط
فين قلوبنا فين ضميرنا
وفي كل شئ ديما هبوط
يامجمعين جثث الشباب
الدفنة فين والساعة كام
ديما نصلي ع اللي مات
وننسى حتى في المنام
نتشد نكتب في حكايات
نرجع نعيش من غير ملام
يامجمعين جثث الولاد
الرحمة على كل العباد
اللي ميت واللي عايش
واللي ساد
كله ميت بس مستني الحداد
..........(شعر،).............
عبد الله السايح
