شهيدة في حبها
كل اللي كان بنا حكايات 
مابتتنسيش
سبنا من الماض إللي فات
خليني أعيش
أنا لو يعود بيا الزمن 
مخترش غيرك
أنا لو مصير قلبي التمن 
حختار مصيرك
مش طالبه منه يحبني 
ميحبنيش
لو موتي فرق بنا طالبه 
متنسانيش
مش عايزة أشغل وقتك
حتي ولو ثواني
لو غصب عني جرحتك
ما الإنسان أناني
الحب سهم وصاب قلوب 
مش كلها
مش شرط قلبه يحس 
بحنان قلبها
أنا مستعدة الشوق يطول
ويطول زماني
العين عن الاحساس تقول 
راضية بهواني
القلب اللي اخترته وبنيت 
عليه آمالي
سكن في قلبي كأنه بيت
وده كان خيالي
من بين قلوب كل البشر 
أختار نصيبه
أنا كنت بتمني القدر 
يلقاه حبيبه
صبرت ع.الإحساس كتير 
طولت بالي
أخترت قلبي يعيش أسير 
وهمي وخيالي
طارق عطية....شعر غنائي