(مجلة كل الخواطر ::::قانون العقوبات قصيده:::: بقلم الكاتب \مصطفى احمد

::::قانون العقوبات قصيده::::: ٥ :::::
اهداء الى طلبة كليات الحقوق المصريه
:::الباب الثالث (القسم الاول):::
الباب التالت اقسام
وتلاته كفايه عشان نفهم
م الماده تلاتاشر يا حسام
لتمانيه وتلاتين يا عم
عقوبات عنوان الباب ادخل
واتفضل فتح ف نافوخك
هتزرجن نقلبها خل
والعيله بتتحدى تشوفك
القسم الاول خد فكره
عقوبات اصليه يا اصيل
الماده تلاتاشر ذاكره
يشنق لوخد اعدام العنتيل
والماده اربعتاشر امانه
السجن مؤبد ومشدد
يتحط المسجون ف مكانه
وتشغيله ضروري ومحدد
طول عمره يا مري لو تأبيده
ومشدد اقصاها خمستاشر
واياك تقل يا عم حميده
عن تلات سنين بعدها حر
اتفرج شوف الرحمه يا خال
الماده خمستاشر سامعين 
الستات كل الاحوال
والرجاله سن الستين
هيقضي اشغاله الشاقه
في السجون العموميه
الماده ستاشر قايله
عقوبة السجن العاديه
ف سجون عموميه او بره
تشغيل المحكوم عليه
الماده سبعتاشر رحمه
اُمل يعني فاكر ايه
من اعدام ينزل لمؤبد
او سجن مشدد يفرح بيه
ومؤبد ينزل لمشدد
او سجن عادي ياعم البيه
ومشدد ينزل للعادي
اوحبس ومن غير ليه
مشروط طبعا بيه راضي
ست اشهر ولايوم عنيه
والسجن العادي للحبس
ميقلش ابدا ولايمكن
تلات تشهر من غير لبس
اُوعى تنام على جنب وتركن
بقلم مصطفي احمد
الى اللقاء مع تكملة القسم الاول من الباب الثالث