زمن الفلوس
الفلوس الفلوس
خلت المنحوس ملحوس
وبقى هم الناس
إزاى تجمع فلوس
الجشع ملا النفوس
وخلت الغنى على الفقير يدوس
اللى معاه يتشال على الرؤوس
واللى مامعهوش عليه ندوس
الفلوس الكل بيها مهوس
ولو دورت فى القاموس
تلا قى البيه كان جاموس
وتذل الحر وتخليه
ينحنى على الأيادى ويبوس
وكل واحد يتوزن ويتقدر
على قد ما معاه من فلوس
دا رئيس
ودا بوليس
ودا خسيس
ودا ممكن نشغله جاموس
أو ديوس
ما هو زمن بيوزن الإنسان
على قد ما معاه من فلوس
بقلم :محمد حجاج