(مجلة كل الخواطر) عشق الروح -----بقلم الشاعر \عبد الله السايح

.....(عشق الروح).........
ياوجعي إرحل بقى
أو حتى إنساني
أكلت بالمعلقة
كل اللي بكاني
فرحان بيوم اللقى
وملكت عنواني
بشفرة بين الضلوع
والا' في لساني
هربت ناسي الرجوع
وأنت اللي تلقاني
مين سلطتك ياوجع
مين منه أحزاني
حبيب ومنه البدع
شد الوجع جاني
حبيب ومني رضع
حبي وإحساني
غزل حناني لوع
قال إيه بيهواني
قلبه ومنه وقع
بيحب عمياني
ياام العباية بقع
هتكوني مين تاني
ديل العباية إترفع
هتداري إيه ياني
ياام الجدايل جميلة
وتملي وحشاني
ليه الضماير عليلة
وغرامنا رباني
من ألف ليلة وليله
مجروحة بتعاني
ياام الخطاوي طويلة
والجسد فاني
ليه حكاياتك كتيره
وأنت اللي عرفاني
كبيرة والا'صغيرة
غنية والا'فقيرة
الروح وعجباني
.......(شعر).......
عبد الله السايح