(مجلة كل الخواطر) الثمن كام ------بقلم الشاعر \فرج البراهمى

(الثمن كام) 
تعبت معاكي وطفح الكيل
وحلمت منك بحضن جميل
سيباني ليه اقاسي الويل
نفسي ارتاح وقلبي عليل
هو إنتي كارهاني مستحيل
لاني ابنك وساكن ضفاف النيل
سهران علشانك أناجي اليل
ليلاتي بعد النجوم
مسكين قلبي الي حبك
يا أرض المحبه والسلام
هو حبي ليكي مشروط
طب عرفيني التمن كام
هدفع دم قلبي خيوط
منسوجه من قسوه الأيام
وأفضل عايش علي الامل
مستني تتحقق الأحلأم
هتعملي ايه تاني فينا
واحنا الي فينا مكفينا
ولا عاجبك دموع عنينا
ريحينا حتي مره وارحمينا
وقولي الثمن كام 
..........بقلمي .......
الشاعر فرج البراهمي 
22/8/2016