كتاب الذكريات
ــــــــــــــــــــــــــــــــ
فوق كتاب الذكريات 
بتترسم جوانا حاجات 
حاجات تخليك تخاف م الطريق 
وحاجات تفتكرها اوفى صديق 
وتعيش تفكر انت واهم ....ولا حالم 
ولا عايش بين وحدتك فى سكات 
وتفتح صفحة جوة قلبك سجلتها 
بدمعة ...ولا فرحة 
بصوت من الوجع ولا بأنين 
لكل لحظة جارحة 
بس المهم انك بين الذكريات 
دموع بتجرى فوق الخدود 
وعيون بتسبق الزمن 
تتحدى السدود 
وكتاب مليان من كل لحظة حياة 
عشت فيها مريت عليها 
مرة حلوة مرة مُرة 
مرة بضحكة وسنة بأة
كتاب مليان ...سِلمة احزان 
واخرة وهَم وهم ويمكن اهات 
ذكريات 
مين يقدر يرسمها قدامة لوحة 
مين يقدر يغنيها 
ونغماتة مش مجروحة 
مين يقدر يوصفها 
وميغلطش فى الوصف 
ولا النقشات 
ذكريات
عزة وهيب