"بنترسم "
على ورق الشجر
زي زخات المطر
حبة حروف مليانة خوف.... متبعترة
ياهل ترى....؟!
هتكون لفين متحيرة؟ 
على ورق الشجر
بنترسم بحروف متشخبطة 
وبنتكتب بقلوب متلخبطة.....
وبنترسم على الجدران 
بنسابق الأحزان بلا عنوان
إحنا الوطن من غير خرايط 
تايهين توهة الماية
في الغيطان.....!
إحنا الحيرة ف قلوب العزارا 
زي الشجر مالوش ثمر
سكة سفر ....!
مالهاش بداية وبدون نهاية
مكتوب علينا نتوه....
نعزف من غير وتر
على ورق الشجر ..
خطوط تايهين ومالها حنين
رسوم بلا تلوين
تلاغي ف الليل القمر
ونجوم ف السما دايرين 
بحور ومالها شطوط 
معاني ما فيها شروط
جريد النخل يشكي
من شدة الريح وقلبه جريح
يانخل لا تشتكي
دا الخوف قدر.....!!
إبراهيم بدر عبدالله