العرافة
أبين زين واضرب الودع
ارمى بياضك يادى الجدع
وانا اوشوشلك الودع
خدى بسرعة ياست
واقريلى اييه المكتوب
بقالى سنين كتيرة بدور عل المحبوب
ياترى غايب فين دا هوا نور العين
( شيفاه عايم فى بحر الهوا
وحاير مابين شطين
وكمان ماشى فى صحرا
وواقف فوق جبلين
وعندة من الأخوات ياواحد أو اتنين
ولو طلع فوق فى السما
يبقا القمر قمرين..)
قوليلى اقابلة ازاي
ارمى بياضك ياجدع
( قدامك طريق طويل
وجايز يكونو طرقين
الأول مليان شوك
والتانى فية اسدين)
قوليلى اقابلة ازاي
ذود بياضك ياجدع واعرفك هوا فين
خدى بسرعة ياست
( شيفاه محبوس في سجن الهوا
تعبان يا ناس ومش لاقى الدواء
شيفاه يناس فى الفضاء
يخسارة عمرة اللى انقضى)
قوليلى اقابلة ازاي
ارمى بياضك ياجدع
خدى بسرعة ياست
( شيفاه قاعد قدامى
وطيفة ديما على بالى
وهوا منور ايامى
ومعايا تملى فى احلامى)
قوليلى اقابلة ازاي
ارمى بياضك ياجدع
مبقاش معايا فلوس
بس خلاص فلست يادى الجدع
دا كلة نصب ياناس
وياريت منصدقهوش
‫#‏الشاعر_رضا_حسبو‬
رضا حسب النبى