الفَــتْــوَنَـــة
مهنة انقرضت من زمن بعيد
والكلمة كانت عهد
على رقبة العباد
من بَحَري للصعيد
يدفع الإتاوة للفِــتوَّة
نظير حمايته لبيته وتجارته
ساعات تقل وساعات تزيد
ومع الفتوة رجالة
تضرب بإيد من حديد
كل ظالم أو لص أو عربيد
وكان من الغنى ياخد
ويِــدِّى الفقير المهدود
يعنى بيحقق العدالة 
من غير عقود
ولكل حى فتوَّة له صيت بعيد
محدش يقدر يخترق الحدود
ظهرت الفتونة فى عهد
الوالى نايم والظلم ساد 
والسرقة والنصب زايد
والفقير للقمة مش واجد
الفتونة كانت للمظلوم سند
وكانت للظالم هادد
وكانت للشعب تساعد
مضى الزمان وبِعِــد
وغنى لهم اللى كان بيهم سعيد
وعشنا فترة ماكنش فيها عبد ولاسِيد
والناس افتكرت الفتونة تهديد
واشتغل فيها كل عربيد
الأمن انعدم والفوضى تزيد
والسلاح انتشر والبارود
والإرهاب ملا البلاد
مظاهرات واعتصمات
و حرايق بلا حدود
اصحا وفوق يا بن البلد
اللى بيحصل علينا جديد
ربنا أمرنا بالاتحاد
بلاش جدل
وشمَّر السَّاعِــد
وجمَّع الإيد بالإيد
ونبنى بلدنا من جديد
يقوم الشعب يعيش سعيد
ودا شئ أكيد
بقلم :محمد حجاج