..............................
أصل التضحية لها ستاتها
فهمتى يا وليه يا اللى جوزها فاتها
يا اللى كل شويه هاته و هاتها
لغاية ما قطع القسيمة و اعلن وفاتها
فى واحدة ما شربت ازازة كاكولا
رغم طول حياتها
و فى واحدة لسه ف سنة أولى
ما بتخلص حاجاتها
فى واحدة جبت الفلوس دى منين
و فى واحدة بتغرف بإديها الاتنين
ما بتفرق معاها حلال و لا حرام
و لا جنة و لا نار أكبر غرام
و انشالله ما عاشت و خربت الدار
المهم تكون زى بنت السلحدار
فى واحدة ربنا يعطيك بالحلال
و فى واحدة روح و ارجع بالمال
ما بيفرق معاها يمين و لا شمال
المهم تحقق كل الأمانى و الأمال
فى واحدة خمسة جنيه تفرحها
و فى واحدة ألف جنيه تجرحها
فى واحدة و واحدة و ألف واحدة
فى واحدة بتشكر و واحدة جاحدة
محمد أبوالمعاطى

أصل التضحية لها ستاتها