رجل بابا الفاتيكان
طفله فى سن الورد
والريحان
هربت من سوريا
م القنابل والنيران
حاصرها الجوع 
ف اليونان
وداقت ألوان الحرمان
جاعت وجف المصران
هانت عليها كرامتها
وطت وباست 
رجل بابا الفاتيكان
وطلبت ياخدها
وعيلتها لأى مكان
تلاقى فيه لقمه تاكلها 
وتحس فيه بالأمان
تبعد عن عيشة الحيوان
عيشه تحسسها إنها إنسان
هو دا الدين ياداعش 
ياحامى الإسلام 
هو دا الإسلام
هو دا اللى 
جه ف القرآن
هودا مراعاة الجيران
فينكم يا عرب
ياأصحاب المرؤه
والكرم يا شجعان
فينك يا عمر 
يااللى شلت 
على كتفك 
قوت الجعان
فين التكافل والتعاون
اللى حثت عليه الأديان
لو تمسكنا بتعاليم دينا
ما كان ف وسطنا جعان
لو خرجنا زكاة مالنا
ما كان ف الكون عريان
لو التزمنا بدينا
لعشنا ف أمان
بقلم:محمدحجاج