(مجلة كل الخواطر) طول عمرى بترجاكِ-----بقلم الشاعرة \عزة وهيب

طول عمرى بترجاكِ.....

ـــــــــــــــــــــــــــــــــــــــــــ
طول عمرى بترجاكِ يا هند 
اوعى تفارقينى يوم 
انت عارفة 
مليش بعدك حد 
يشيل من قلبى الهموم 
عارفة انى من غيرك منسية 
وغريبة وسط ناسى 
عارفة انى من غيرك مش فى الدنيا 
ومحدش بيعرف لقلبى يواسى
لا سؤال من قريب ولا حنية
ولا حد بيشغل تفكيرة بإحساسى 
طول عمرى بترجاكِ
تخليكِ جنبى 
وعمرى ما اتخيلت انك هتسيبينى
وكمان تاخدى معاكِ قلبى 
وادينى عايشة فى الدنيا من غير روح 
عايشة وكل اللى جوايا وجع وجروح
ولا دمعة بتجف من عينى 
لا فرحة بتدخل قلبى تواسينى 
ولا شايفة ناسى هما ناسى 
ولا قادرة حتى اميز بينهم احساسى 
طول عمرى بترجاكِ
يااااااااااااااااارب
عزة وهيب