3 كلمات 
أنا و طيفى و قلبى و اسمى و حروفى 3 كلمات 
تشوفها كلمه من نفسى 
و تقراها ف خطوط رسمى 
و تسمع صوتى من همسى 
و نبض عروقى من جسمى 
أنا نفسى 
أشوف الضحكه بتنور وشوش الناس 
و صدق و حبيتين طيبه وفا و اخلاص 
و حلم يطل م الطرحه 
و قلب يطير من الفرحه 
و ناس ندمانه عالعيبه 
و ناس مجروحه و مسامحه 
أنا نفسى 
أشوف الحق بيصبَح على اصحابه 
و اشوف الطير بيهدى الخير لاحبابه 
و نيَه م السما الصافيه 
و قشطه م الحليب دافيه 
و نتمرمغ فى خير بلدى 
تدوم الصحه و العافيه 
بقلمى \ محمد العربى