جارى التحميل
استخدم زر ESC أو رجوع للعودة
أوعاااك تزعلها
،،،،،،،،،،،
،
اوعاك في مره تزعلها
أو مره دموعها تنزلها
خليك شمعه تضوي بحب
و تنور بالفرح ليلها
،
أوعاك في مره تزعلها
او يصاحب الحُزن موالها
أرسم على وشها ضحكه
و دلعها دايماً و غازلها
،
أوعاك في مره تزعلها
او تشكيك لعمها و خالها
عارف أنها عاشقاك
و انت إللي قلبك بيصفالها
،
أوعاك في مره تزعلها
و بكل العطف أشملها
أنتوا روح في جسدين
بتكملك و أنت تكملها
،
أوعاك في مره تزعلها
راضيها حيزيد جمالها
أنت ليها و هي ليك
و هي الدنيا بأكملها
،
،
،
بقلمي. عاطف حارس نور
