اولا اشكركم علي الاضافه
وكل التحيه لحضراتكم
اااااااااااااااا
عاميه بعنون اسمعيني
ااااااااااااااا
اسمعيني مانتي لازم
تسكتي وتسمعيني
الكلام تعبت منه انتي
ليه جيه تلوميني
من زمان خدت القرار
وانتي لسه بتساليني
واسمعيني
اسمعيني انا كل كلمه 
قلتها درستها ماتريحيني
وكفايه كنت باسمعك
وكنتي ياما بتجرحيني
واسمعيني
انت كلمه كتبتها ع
الورق ومسحتها
كنتي نسمه حلوه ليه
عمرى يوم ماجرحتها
كنتي فرحه عشت ليها
وعمرى يوم مافرحتها
انتي حاجه عشت ليها
وكاني عمرى ماعشتها
انتي مغروره بذاتك
عايشه بس لنفسها
انت عايشه الدنيا وحدك
مش عايزه حد يمسها
كل حاجه كانت تضايقك
كنت قبلك احسها
واسمعيني
انتي ليه متصوره اني
حاكون حرف ف كتابك
انتي ليه متخيله اني
حاعيش ومتحمل عذابك
ولا فاكره اني تعبت ومش
قادر استحمل غيابك
انتي ليه عندك ماليكي
ياللي مغروره بشبابك
انتي بالنسبه لي نكره
قلبي مستخسر عتابك
اوعي تفتكرى اني حاضعف
ولا حاجي ادق بابك
واسمعيني
انتي قصه وانتهت
وكتبتها بدمي وحروفي
انتي حاجه محيراني
وعشتها برغم ظروفي
انتي صدمه خدتها
عشتها بقلقي وخوفي
نضفي السواد ف قلبك
يمكن تحسي او تشوفي
اااااااااااااااا
جبريل رضوان