جارى التحميل
استخدم زر ESC أو رجوع للعودة
فرش ... وغطا
========
هَقول وهاعيد وهَا مر
عَلي حَاجَات كتير باينه
فِي الأصل احْنَا بَشَر
والبَشر غَلطَاته ع طول بَاينه
***
هَاتقول واتعيد ايه
دَا الكَلام خُلص واَنتهي
والله دي معروفه
دَايره وانهايتها مَتاهه
***
مَاتوه أبداً ولا تتحَير
دا الكل مكتوب ومتقدر
دَا مهمَا علي بنيَان وأتعمر
من غير أسَاس العَدل يتْهَدر
***
العدل أسم لرب العِباد رحمن
وضع لعباده جزء من رحمته علام
وحجب عنده تسعه وتسعين
من رحمته تتراحم الأنعَام
***
الأنعام مربوطه في سواقي
بتلف دايرين
اما البشر مربوطين
بيلفو مش دارين
***
تدري ايه انتبه لحسابك
سيبك من الناس بص لكتابك
الكل فيك طمع ساعة الجد راح سابك
وايه اللي نابك والكل مكتوب في كتابك
***
السوس في العود نخر
والجسم فيه بلاوي يامه
شوف سليمان لما خر
الجن حست بالندامه
***
السوس محبوس في الاساس ينخر
والكل مهوس يقاسي ويصبر
شوف لما البنيان يتهد وجداره ينخر
كل الأيادي تهد وما حد عليه يصبر
***
وأيه العمل قلي
يالي الامور شغلاك
اديك شفت الي حصلي
ولا احوالي عجباك
***
ابدأ بالنفس ربيها
علي طاعة المولي طريقها وريها
يكفيك ربك ظلام الطريق
ويرفع عنك بلاوي كتير ما تدرىها
***
ها بدا بنفسي وسويها
وللنور ربي يهديها
ياما صعايب وربك يسويها
انت لا تهدي البشر ربك هاديها
#الصافى_ابوعمار
يناير 2011
