جارى التحميل
استخدم زر ESC أو رجوع للعودة
بعنوان ** بداية الطريق** بقلمى شاعر السلام/محمد عادل سالم (مصر)
***********************************************
بداية الطريق امان وضوء مصباح
فى كل خطوة بانسى الهم وانسى اللى راح
كانت عينى بتخطف الانظار
على يمينى الازهار وقلبى قايد نار
وكانت حبيبتى ايوه هى حبيبتى
وكنت باتحمل كتير المرار
بداية الطريق معانى
وكان القمر بيغازلنى
وفى الليل بيحلى السهر
كنت باكتب وكنت باخد القرار
رسمت حياتى وكانت حبيبتى بتنادينى
كانت بتواسينى ومش بتعادينى
انا اللى سكن فى قلبى الالم
وعمرى ما بكيت
ووقعت فى بحر الغم
وعمرى ما شكيت
انا اللى ثورت على اوجاعى
وعمرى ما نسيت
قطر السعادة لو فاتنى
مش على حد باكون عاديت
بانت فى قلبى بتتامل
وفى انتظارها ما مليت
رموا على وجهى كؤؤس الذل
وكتموا انفاسى وكانت القسوة بتهاودنى
بتاعدينى بتلاعبنى وكنت ساعتها عاجز
وفى الحقيقة لغيرى انا وصيت
كانت فى احلامى بتناوشنى
وباغانيها بتدوشنى
كنت ساعتها اسير
وبقلبها كانت بتكلبشنى
طفحت المرار اقداح
ونسيت الحب اللى راح
نسيت الحضن الدافى
وعرفت ساعتها الجراح
فين الافراح اللى بتملئ القلوب
بتزيل الهم وتزيل العيوب
كان الطريق شوك
وكان السهم جرح القلوب
سامحينى لو فى يوم قسيت
هما اللى عادونى بغدرهم
وكتير اتحملت وكتير حسيت
مشوارى طويل كله اوهام
وكنت عن الحنان ما وليت
سامحينى بقلبك
انا اللى عمرى ما شكيت
................بقم/محمد سالم
