(مجلة كل الخواطر) ايدى فى ايدك -------بقلم الشاعر\طه ابراهيم

إيدي فإيدك
@@@@@@
نفسي أدور معاكم واشوف
واعد المعاني واعد الحروف
واصحح مساري واصحح مساركم
وخطط ورتب في قلب الكشوف
ومنكم وبيكم أوحد شعاري
وارفض خضوعي ف لحظة كسوف
وهقبل كلامكم بكل إهتمام
وهقبل تجاوز وهقبل ظروف
وهمشي معاكم لحد الحقيقه
وهمشي معاكم فرادي وصفوف
وهسأل صُغير وهسأل كبير
وافتش وادور ف وسط الالوف
ويمكن ألاقي معاكم دليل
وتبدأ موده تشد الكفوف
وترجع أخويا وأرجع أخوك
وإيدي في إيدك نحيي الضيوف
ونرجع نعلم قلوبنا المحبه
وننشد جميعا بلحن الدفوف
قصيده ترجع معاني الأخوه
وتمحي ف قلبي شعور العزوف
ونفضل حبايب لحد النهايه
وعمري ماحس معاكم بخوف
نفسي أدور معاكم واشوف
واعد المعاني واعد الحروف
@@@@@@
بقلم / طه إبراهيم