جارى التحميل
استخدم زر ESC أو رجوع للعودة
لموا دموع الخد
شعر/ مدحت عطية
لموا دموع الخد
ماعدش الحزن
يروينى
ما بقتش الاه تريح
ولا قولها .. يداوينى
اقفلوا ببان السد
ولموا دموع عينى
حبكى .. ومهما أبكى
ليلى على جبينى
سور النهار أنهد
والليل طل يوارينى
يملى بياض العين
والعتمه .. تطوينى
والخطوة
يادوب .. تخطينى
والضحكة إن جت
تبكينى
ياه .. على الأحزان
لما .. تنادينى
تاخد .. من فرحى
ومن الهم .. تدينى
وياه .. على الألحان
لما تعادينى
وتوصف الأيام
للدمع .. عينى
