(مجلة كل الخواطر) فاكرين ومش ناسيين ----بقلم الشاعر \ثروت كساب

***فاكريين ومش ناسيين ***
فاكرين الورد
اللى فتح فى الجنايين
فاكرين الشغب 
اللى خرج وثار
فاكريين الشعب
يريد اسقاط النظام
فاكريين شبابنا 
اللى شالوا كفنهم على ايديهم
عشان نعيش فى امان
فاكرين الظلم والطغيان
فاكريين موقعة الجمال
فاكريين المولوتوف اللى رموه 
من على السطوح
عشان يمشوا ولادنا الاحرار
فاكرين الصرخه
هويمشى مش حنمشى
ولما مشى احتفلنا بالانتصار
فاكريين لم اتحرقت 
الكنايس والمجمع كمان
فاكريين الطرف التالت 
والرابع والعشرييين
فاكريين لما سحلو ولادنا
فى المياديين
فاكريين لما قالوا 
على ولادنا مدمنين
لما قالو دول خونه وقابضين
لما قالوا دى مؤامره
ويسقط شبابنا المتأمريين
لما قالوا على ولادنا 
جيين من الخارج متدربيين
لما قالوا وقالوا وقالوا
واحنا صدقناهم وقولنا اميين
لكن يقولو دى مش ثوره
لا حاسب دى ثوره
رغم أنف الحاقدين
بقلمى /ثروت كساب