جارى التحميل
استخدم زر ESC أو رجوع للعودة
شاردة..
....
سهرت كتير على ليلك
وغنيتك مواويلك
وكان حلمي اكون الفجر
وفرحة عيد تغنيلك
وطرح النور ف ترتيلك
.....
ياروح سرحانه يم الغرب والازرق
وكان السر ف عنيها ..
حكاه عصفورك الشادي
... وانا البادي
وكنتى النرجس الهادى
وابيض همسك الراضى
على ترعه وعصريه
على سجاده نشوانه
ودمعة شوق وصبحيه
..... انا العطشان ف حر الشمس ...
وكنتى الشط والميه
.......
يا شارده بين غيطان النور
وشاربه من كاسات المر
واوجاعك سنين بدّور
زمن قساي بيجرح خطو ايامك
ويزرع جوه احلامك ..
سراب مغرور
....
شعر / محمد ابوزهرة.
كراديس.. الخميس.. ١٤/١/٢٠١٦
