(مجلة كل الخواطر) واية اللى باقى ----بقلم الشاعر \صلاح الصغير

وإيه اللى باقى
................
إيه اللى باقى من العذاب ما شوفنهوش
وإيه اللى فاضل من المرار مادوقنهوش
طب إيه اللى غالى التمن
حاسبنا عليه يازمن ما دفعنهوش
كتير علينا ومش بإيدينا 
نداوى الجراح
من دمع عينينا وسهر ليالينا
باع اللى لينا وقولنا سماح
ضاع منا العمر والفرح يمر
ولا حاجه تسر ولا دنيا براح
أراجوز وقت الناس ماتعوز
وشباب والقلب عجوز
صوره بهتانه والبرواز مهزوز
دنيا حظوظ من غير مفتاح
إيه راح يكفيك يادنيا
واللى يرضيك منا
علشان نفرح نتهنا
والقلب يعيش سواح
ويشوفك يوم حاجه تانيه
ويشوفك يوم حاجه تانيه 
.........
‫#‏جراح‬ ‫#‏صلاح‬#
4-1-2016