بقلم /أمل جابر
***** عجبى *****
أنا قلبى كان شخشيخه أصبح جرس
ودى كلمه فى موال سمعها قلبى أنخرس
عجبى عليك يا زمن ....
انا الصبيه اللى شافت منك عجب
قسوة بشر مالهم قلوب
عشقت ودابت لكن المكتوب مكتوب
اتمنت تكون طير طاير فى السما
لكن الجناح مكسور
عجبى عليك يازمن ..
عدت سنين وسنين
وتاهت الصبيه ونسيت هى مين
مبقاش منها غير دمعتين تايهين
وعيون بالحزن مالينين
لا ايد اتمدت مسحت الدمعتين
ولاقلب خدها جوه حضنه
وشال حزن السنين
وعجبى عليك يا زمن
