جارى التحميل
استخدم زر ESC أو رجوع للعودة
(زمن وماشى بالشقلوب)
زمن وماشى بالشقلوب
وقلوب بتنفض وتكبر
كبر منهم وابعد عنهم
منهم شوفنا الذل بعينه
عينه علينا الله يعينا
عينا دموعها غاليه
غاليه ماتت من الصدمه
صدمه وبلوه ومصايب
مصايب القلب العذاب
العذاب والهم متصاحبين
صاحبين وكانوا متواعدين
متواعدين اتقتلوا فى عركه
عركه بين الاخ واخوه
واخوه الناس فتنوه
فتنوه على امه وابوه
وابوه مش دارى بحاجه
حاجه مالهاش لازمه
لازمه وعامله معانا ازمه
ازمه جايه برمىِ الطوب
والطوب من زمن الشقلوب
وماتزعلش من الزمن
زمن ماشى بالمقلوب
بقلم \حسام ماهر عبده
