(مجلة كل الخواطر) صدقينى ----بقلم الشاعر \ حسام عمارة

صدقيني 
كان كلامى كله ليكى 
وشوقى وحنينى لعينيكى 
وقلبى كان بين ايديكى 
كنت بحلم أكون معاكى 
وأدوب سنين أنا فى هواكى 
لكن ضيعتي حلمى وسنينى 
واللى كان بينك وبينى 
صدقيني. ........ صدقيني 
كنت خايف يوم تضيعى 
فى دوامة السنين 
كنت خايف يوم تقولى 
كلمة بحبك مرتين 
وخايف أنك تخونى 
وأموت أنا فى هوايا 
ويضيع منى حنيني 
صدقيني. ..... صدقيني 
ليه قلبى يكون معاكى 
بشوقه واحساسه ليكى 
وتموتيه أنتى بأيديكى 
وتقولى أنك حبتينى 
ليه ضيعتي سنين هوانا 
وغرقتى ليه فى الخيانه 
مش عارفه أنى حبيتك 
وحبك كان مالينى 
صدقيني. ....... صدقيني 
أه لو مش بحبك 
كنت حرقت قلبك 
زى أنتى ما حرقتينى 
وفى أخر الحكايه 
أنا مش عايزك معايا 
قلبى اللى مات جوايا 
رافض اللى فات من سنينى 
صدقيني. ....... صدقيني 
بقلم حسام عماره