جارى التحميل
استخدم زر ESC أو رجوع للعودة
حياء
****
باستحى
وانتى برضه بتستحى
خايف الحب اللى بيننا
من استحانا يتمحى
مع انى دايما ليكى المّح
وانتى ليا تلمحى .
ياللى فى وجودك باشوفنى
فى وجود غير الوجود
دق قلبى يقول يابختك
فى الهوى دايما تسود
ليه ياقلبى .. وانت قلبى
للنصيب تصبح حسود
ليه دا حتى انا باستحى
وهىّ برضه بتستحى
وخايف الحب اللى بيننا
من هوانا يتمحى
لو هاتخدمنى بصحيح
لو لسانك كان فصيح
روح لقلب حبيبتى قول له
انى واهب حبى كله
بس مش ممكن هاصّرح
الا لما تصرّحى .
