جارى التحميل
استخدم زر ESC أو رجوع للعودة
بتبص على مين
على إيدك اليمين
و انا واقفة وراك
واكلنى الحنين
و ما أدراك
بشوق السنين
بدفعك للأمام
لاجل احس بالأمان
و انتا فايتنى يا إمام
فى كل عصر و أوان
بدفعك فى طريقك
لاجل اكون رفيقك
و انتا فايتنى لحريقك
و دايسنى فى طريقك
ما بسألك ترد الجميل
بس بلاش عن الحق تميل
تبص شمال و يمين
و فايتنى وراك لمين
و انا اللى بهواك سنين
ازق فيك لاجل تمشى
ليه تجرح قلبى و رمشى
ليه تقفل بابك فى وشى
و رايح لقلب غيرى ترشى
إن كنت عظيم انا أعظم
و إن كنت كظيم أنا أكظم
و عمرى فى يوم ما هظلمك
بس هسيبك للدنيا تعلمك
وراء كل عظيم امرأة
إن سمع و لا إن رأى
محمد أبوالمعاطى
