(اطيب قلب) شعر عامى
أطيب قلب
علم كل الدنيا الحب
قلب نبينا
عايش فينا
من غيره الدنيا ماتتحب
أطيب قلب
طفل يتيم والمولى رعاه
ربنا من أعدائه كفاه
كافل كل يتيم وياه
ف الجنه يكون جمب بجمب
.
أطيب قلب
بيحب الضعفا المساكين
مليان قلبه بحكمه ودين
كان لو حس بقلبه حزين
يدعى المولى يقوله يارب
أطيب قلب
نهر تسامح بحر وفاء
يوم ما تمكن م الأعداء
قال اذهبوا انتم طلقاء
الإسلام بسلام مش حرب
أطيب قلب
مبعوث رحمه للعالمين
مرفوع ذكره ليوم الدين
شهدوا الكفره إنه أمين
وإنه ما جرب يوم الكدب
أطيب قلب
بالوالدين وصي وبالجار
بنسائنا وقالها بتكرار
دينا معامله ماهوش إجبار
رحمه على العالم تتصب
أطيب قلب
صوَّره ربه ف أحسن صوره
أهداه نفس ما هيش مغروره
رأيه مابين أصحابه مشوره
كان الأخ وكان الأب
أطيب قلب
قال بلغوا عنى ولو آيه
تبقالكم ولغيركو هدايه
إسلامكم مش بس كفايه
لازم يوصل شرق وغرب
أطيب قلب
معصوم من نفس وشيطان
اخلاقه دى كانت قرآن
صلى يارب ف كل آوان
ع اللى ما اذنب يوم ولا ذنب
اطيب قلب
بقلمى/محمود عبد العظيم