(مجلة كل الخواطر) كلمة وقلب ----بقلم الشاعر \هشام عوض

كلمه وقلب 
-------------
إن قولتي بحبك إيه يعني 
أهي كلمه وكترت معانييها 
*
والكل اهو قالها وسمّعني 
من غير إحساس ساكن فيها 
*
كام يوم بعديها يودعني 
وكأن ماكان شيء قبليها 
*
والتانيه تجيني تطمّعني 
بعدين تتكرر حكاويها 
-
الحب دا إحساس ومشاعر 
مش كلمه بحرفين تقوليها 
*
وبٌحبك أصبحت الشاعر 
أكتبلك وانتي فهمتيها 
*
القلب فـ بعدك مش قادر 
يتمني يوماتي تحسيها 
*
الحب دا أصبح شيء نادر 
لو كنت فـ قلبك رديها 
-
مش كلمه وأفعال تخدعني 
من بره القلب تحطيها 
*
ولاوقت جميل ويمتعني 
بعدين لعواطفك ترميها 
*
الجرح فـ غدرك يوجعني 
علشان أنا صادق بعنيها 
*
أنا عاشقك والعشق دفعني 
مستني رسايلي تجاوبيها
------------------------------
بقلمي ...
الشاعر هشام عوض 
الخميس ...
15 - 10 - 2015م