جارى التحميل
استخدم زر ESC أو رجوع للعودة
أنا يكفينى كلامى يسافر
محمد ضباشه
أنا يكفينى كلامى يسافر
حتى ولو ملهوش رجوع
وجوه السكة يدق يعافر
يطلب رحمة لبطن الجوع
يرسم بسمة فى عين سهرانة
وناس غلبانة قلبها موجوع
يروى كل غيطان العتمة
بنور بيقوى عضل وضلوع
كلمة تصحى ضمير نعسان
ولا ترضى بذل ولا خضوع
كلمة تطبطب على الإنسان
اللى بفقرة عاشها قنوع
كلمة تسافر وماترجعش
تقول للساسة حلمنا مشروع
كلمة بفكرة تبدل خطوة
تطلع شمس نهار مبلوع
جوه بطون ولا سيد قشطة
وبقوا فى حياتنا نمور وسبوع
وأتمنى لو يرجع تانى
وما يفجر فى عينينا دموع
