(مجلة كل الخواطر ) ورغم الغربة يا ولدي - للشاعر / رأفت يوسف

‏

.............................،.........( ورغم الغربة يا ولدي )......................بقلمي / رأفت يوسف
أنا عارف بأنك نعمه من ربي
أنا عارف بأنك زينه الدنيا
وللنفس اللي جوايا عبير نسمه
ونجمه في السما عاليه
وروح من روحي سبقاني
وعنواني لناس تانيه
من الحب اللي جوايا أنا رويتك ............
أنا ع الطيبه ربيتك
وعلمتك طريق ربي
وعرفتك طريق الخير
وكل أيامي فيك باهدي
ورغم الغربه يا ولدي
ماغبت دقيقه عن نظري
لأنك في الحشا وصفي
ملامحك هي ، من شكلي ومانسيتك ..........
ومين في الدنيا راح ينسي
اللي من نفسه
ومين في الدنيا باع دمه
اللي عاش عمره سنين فاكره
ومين هايتوه
عن اللي طلعه صلبه
ومن أخلاق كتاب ربي
بكل سلوكه ربيتك ...........
أنا اللي زرعت من لحمي
زهور بالحب علي لحمك
أنا أسمي سبق دايماً حروف اسمك
أنا اللي شكلي من شكلك
أنا مني شبه منك
أنا اللي بكلي حبيتك ................
وعلمتك تحب الأرض وترابك
وشيلتك ميراث أهلك وأجدادك
وتحمل في الحشا دايماً
محبه وخير لكل الناس
بأخلاقك ورغم الغربه يا ولدي
فاكر باني وصيتك .................
وماترد اللي يجي
يقصدك دايماً علي بابك
وكون كالنسمه بين أهلك وأصحابك
باخلاق في الكتاب دايماً
تخلي الكل أصحابك
لاني من بحور أصلي
وتعليمي انا سقيتك ...........
وإياكِ تنسي كل الناس
لان الأصل في الدنيا يا ولدي ماس
وحب الأرض زي عنيك
تراب بلدك أمانه عنه ماتفرط
لا راح تنداس
وحب العلم والكراس
عشان ترفع جدار بلدك
وتبني في ضلها بيتك ..................
أنا فاكرك سنين عمري
لإنك في الوجود مني
وعلمتك تصون أهلك
تجمعهم أيدين واحده
توحدهم علي ودك،
وتعرف أن أخلاقك لكل
الناس تكون شخصك
وبين الكل ليك صيتك ......................
برغم الغربه والإحساس بإني وحيد
برغم سنين علي ضلعي
رواها الحزن والتنهيد ،
لكن دايماً أبوك راجل
فاكر أصله ولو في الغربه ظل بعيد
وبادعيلك يظل الأصل علي فرعه
وباتمني يكون حظك دا غير حظي
تكون أسعد
وبالأخلاق أكون دايماً أنا دعيتك ................
............................................بقلمي/ رأفت يوسف