جارى التحميل
استخدم زر ESC أو رجوع للعودة
حطة يا بطة 2
محمد ضباشه
حطة يا بطة كفاية أوانطة
وكفاية واخدينا تسالى
كل حكومة تيجى علينا
كارهة تشوف أشكال أمثالى
مع إنى لمعت الكرسى
وقلت البية يصلح أحوالى
طلع الباشا بتاع الصفوة
وسابنا فى حضن الفقر نلالى
وهو منور جوه البدلة
اللى خيوطها نسجها ضلالى
ونسج لينا توب م الخيش
لكن نعيش ساكتين طوالى
--
حطة يا بطة أنا ليه زعلان
لما زعلى بشوفة جبال
من ساعة ما عنية تفتح
أقعد أرقص على اللحبال
علشان لقمة ياريت بتكفى
وأمشى أدندن بالموال
ألقى ساعتها عيونى تدمع
على الخدين والراحة محال
أرجع رجلى بتصرخ فيه
ويلعنهم ظهرى من الأحمال
--
حطة با بطة سكوتنا مميت
فقلت ياريت ياخدونى معاهم
أفرش جوه القصر حصيرة
وخالتى نظيرة أسيبها عليهم
تجرى شوية يجوا مكانى
ومعاليهم يغيروا فى هواهم
ويعيشوا عيشتنا السودا
يمكن نعرف أيه جواهم
وبعد يومين والتالت صعب
راح يعرفوا أيه جرى وياهم
