(مجلة كل الخواطر ) بنت اسمها فرحة ----بقلم الشاعر \خالد العطار

بنت اسمها ...فرحة))
وفى ليلة على ضى القمر
قعدت ألون خطوط الحزن فى جبينى
وبقلم الحبر اللى مليته من دموع عينى
جيت أقلب صحايف قلبى
لقيتها ميت صفحة
صحايف حزن وأسى وبعضها فرحة
طويت صحايف حزنى بزيادة
ورميت معاها قلم الحبر كالعادة
وقلت أرسم الباقى من عمرى سعادة
جبت قلم ريشة وشوية ألوان
رسم القلم فستان
وفوق الراس منورة الطرحة
وبنت اسمها فرحة
هلت من حوارى القمر
طلت من قلبها الفرحة
معرفش…. …أنا اتخضيت
خيالى اللى رسم؟
ولا دى حقيقة من الظنون واضحة
كحل العيون لقلبى أنا سرق
اتبعثرت أحلامى
وزاغت عيونى بين سطور الورق
وكل معنى للمحبة داب فيها واحترق
ضاعت الرسمة وتاهت الصفحة
ضاعت الألوان
ورجع قلم الحبر من تانى
ما لقيت لقلبى فى الهوى عنوان
وأتارى كحل العيون
من صهد أحزانى
خطوط الحزن من كترها أصبحت تجاعيد
لا ينفع تمحيها رسمة قلم
ولا بقى فى العمرللهوى مواعيد
وتفيد بإيه ريشتك وألوانك يا فنان
والقلب موجوع فى حبها متهان
اطوى الصحايف كفاية رسم وغنا
دااللى بقى منى ف حبها يدوب اسمى انا
لكن هيفضل حبها
وصورة فى القلب جمعتنا زمان
وهتفضل صورة الفرحة والفستان
ومعاهم الطرحة
خالد العطار