(مجلة كل الخواطر ) خلاص بئى انسية ---بقلم الشاعرة د\ نيفين مطر

&&خلاص بئي إنسيه&&
خلاص بئي انسيه
وماتفكريش تاني فيه
ياما ظلمك وهانك ..وقلبك عمره ما حس بيه
حتي لو جه يصالحك اوعي تسامحيه
إبعدي عنه ..حتي لو شفتيه اتجاهليه
لانه عمره ماحس بيك ولا ألمك اللي إنِتِ فيه
حرام عُمرك عليه تضييعه
وتشحتي حبه وحنانه وتترجيه
إنه يفضل في حياتك وتتوسلي ليه
ده ما يستهالش دمعة من اللي بكيتيها عليه
خليه يعيش حياته اللي إختارها وعن حياتك ابعديه
وكل ما ييجي في بالك من ذكريات إرميه
مسيره يندم ويعرف أاد إيه إنتي حبتيه
وكل ايام عمرك اللي معاه ضيعتيه
كل حاجه قدمتيهاله كانت خسارة فيه
خلاص بئي إبعدي عنه وانسيه
وحتلاقي في يوم اللي يحبك وتحبيه
ويقدّر حبك وعشقك وبعمره يشتريه
بقلم د. نيفين مطر